ПАРИЖ-2024: Қозоғистон МОҚ ўзининг биринчи иш учрашувини ўтказди

ASTANA. Кazinform – 6 феврал куни Қозоғистон Республикаси Миллий Олимпия қўмитаси Франция пойтахти Париж шаҳрида жойлашган Париж–2024 Олимпия ўйинлари ташкилий қўмитаси қароргоҳида Олимпиада ўйинлари ташкилий қўмитаси раҳбари Тони Эстанге ва вакиллари билан учрашди. Бу ҳақда Kazinform МОҚ расмий сайтига таяниб хабар беради.

Учрашувда Қозоғистоннинг келгуси йили 26 июлдан 11 августгача Франция пойтахти Париж шаҳрида бўлиб ўтадиган ХХХIII ёзги Олимпия ўйинларидаги иштироки муҳокама қилинди. Шунингдек, ташкилий ишлар, жумладан, иштирокчиларнинг турар жойи ва транспорти, спортчиларнинг ўқув-машғулот йиғинлари ҳақида сўз юритилди.

Тони Эстанге Қозоғистон МОҚнинг ташкилий қўмита билан ҳамкорлигини юқори баҳолади ва ҳамкорлик учун миннатдорчилик билдирди. Қозоғистон МОҚ бош котиби Андрей Крюковнинг айтишича, Париждаги Олимпия ўйинлари энг ўзига хос ўйинлардан бири бўлади. Шунингдек, у Токио ва Пекин Олимпиадаларида барча дуч келган қийинчиликларга қарамай, Париж-2024да кўплаб янги нарсалар кутиб туришини айтиб, ташкилий қўмита жамоасига ўз миннатдорчилигини билдирди. Париж-2024 директорлар кенгаши таркибига МОҚ аъзолари Ги Дрю ва Жан-Кристоф Роллан, Париж мэри Анна Идальго, президент Брижит Энрикес ва Франция МОҚ котиби Дидье Семине, шунингдек, бошқа давлат органлари ва спорт ташкилотлари вакиллари киради.

Фото: Julien Mattia/NurPhoto/Getty Images