Пальма ороли: Вулқонда янги ёриқ пайдо бўлди

NUR-SULTAN. Kazinform - Испаниянинг Пальма оролида охирги бир кунда 40 дан ортиқ сейсмик силкинишлар қайд этилди, у ерда бир ойдан буён Кумбре -Вьеха вулқони отилиши давом этмоқда. Лава оқимлари тахминан 740 гектар майдонни ёқиб юборди, дея хабар беради Kazinform Еuronewsга таяниб.

Шанба куни яна бир ёриқ аниқланди, ундан ҳозиргача фақат кул ва қора тутун чиқади. Вулыоншуносларнинг айтишича, оловли тоғда яна бир неча ой лавалар чиқади.

7 мингга яқин одам ўз уйларини ташлаб, хавфсиз жойга эвакуация қилинишга мажбур бўлди. Aҳоли ўз таассуротлари билан бўлишади.

«Сиз ҳамма жойда олтингугурт ҳидини ҳис қила оласиз; Бу энг аниқ кўринадиган нарса «.

«Мен астматикман ва шуни пайқадимки, менинг нафас олишим бошқа кунлардагидан тезлашди.

Европа Иттифоқининг сунъий йўлдош кузатув агентлиги маълумотларига кўра, Пальма оролида вулқон отилиши натижасида 1,5 мингдан зиёд уй ва бинолар, аксарияти турар -жой бинолари тўлиқ ёки қисман вайрон бўлган.

Йўллар ва деҳқончилик ерларини супуриб ташлаган лава Aтлантика океанига етиб келди ва музлаб қолди, тахминан 34 гектар майдонга эга бўлган янги дельтани ҳосил қилди.