Озарбайжонда такси ҳайдовчиларидан COVID-паспорти талаб қилинмоқда

BAKU. Kazinform - Озарбайжонда такси ҳайдовчилари келаси ой бошига қадар коронавирусга қарши тўлиқ эмланиши керак. Бу ҳақда Ички ишлар вазирлиги матбуот хизмати бошлиғи, милиция майори Эльшад Гаджиев маълум қилди, деб хабар беради Kazinform мухбири.

Унга кўра, 1 октябрдан бошлаб мамлакатда такси ҳайдовчиларининг COVID-паспортларини текшириш бўйича рейдлар бошланади. Полиция вакцинанинг иккинчи компоненти билан эмланмаган ҳайдовчиларга тегишли чоралар кўради.

«Юк ва йўловчи ташиш, шу жумладан такси хизмати билан шуғулланадиган фуқаролар 1 сентябрдан бошлаб вакцинанинг биринчи компоненти билан эмланганлиги ҳақида тасдиқловчи ҳужжатга эга бўлиши керак. 1 октябрдан иккинчи компонентни тасдиқловчи ҳужжат ёки иммунитет гувоҳномаси талаб қилинади «, - деди Э. Гаджиев.

Эслатиб ўтамиз, 1 сентябрдан бошлаб университет талабалари, меҳмонхона, йирик COCO ва ресторанларга ташриф буюрувчилар COVID-паспортини олишлари керак бўлади. 16 августдан бошлаб эса DOST ва ASAN xidmat марказларидаги ижтимоий хизматлар фақат эмланган резидентларга кўрсатилади.

Ўқитувчилар ва мактаб ходимларидан COVID-паспортлари ёки тегишли сертификатлар талаб қилинади. Жамоат транспортидан фойдаланиш учун йўловчилар ёнида шундай ҳужжат бўлиши керак. Шунингдек, тиббий ниқоб тақиш ва санитария меъёрларига риоя қилиш мажбурийдир.

COVID-паспорти бўлмаган шахслар 120-240 доллар, юридик шахслар эса 2350-2940 доллар жарима тўлайдилар.

Ҳозирги кунга қадар Озарбайжонда 7 миллион 977 минг 574 та коронавирусга қарши эмланган. Биринчи компонент билан эмланганлар сони - 4 миллион 619 минг 842 киши, иккинчи компонент билан эмланганлар сони - 3 миллион 357 минг 732 киши.

Муаллиф: Серикбол Қошмағанбетов