«Овул - мамлакат бешиги»: Қарағанди вилоятида 32 та овулнинг аҳволи яхшиланади

QARAǴANDY. Kazinform – Қарағанди вилоятида ўтказилаётган «Овул - мамлакат бешиги» махсус лойиҳасида бу йил 32 та овул иштирок этади. Ижтимоий аҳамиятга молик 33 та лойиҳа, жумладан, 22 та аҳоли пункти йўлларини таъмирлаш амалга оширилади, деб хабар беради Kazinform мухбири.

Вилоят иқтисодиёт бошқармаси бошлиғи Татьяна Аблаеванинг айтишича, ўтган йили «Овул - мамлакат бешиги» ташаббуси асосида 60 минг нафарга яқин аҳоли истиқомат қиладиган 21 та овул ва шаҳарча ободонлаштирилди.

Аҳоли учун янги спорт иншоотлари, мактаб ва мактаб-интернатлар қурилди, маданият марказлари таъмирланди. Бу иш фаол давом этмоқда.

«Жорий йилда «Овул - мамлакат бешиги» лойиҳаси билан 43 минг 924 нафар аҳоли истиқомат қиладиган 32 та овулни қамраб олиш режалаштирилган. Буқар жирау туманидаги Гагаринское овулидаги мактабга қўшимча қурилиш ишлари давом эттирилади. Иккита спорт ва соғломлаштириш мажмуаси – Буқар жирау туманидаги Ғ.Мустафин ва Абай туманининг Топар овулида қурилмоқда», – деди Татьяна Аблаева вилоят аппарат кенгашида.

Осакаров тумани Ақбулақ овулидаги умумтаълим мактаби янгиланади.

Осакаров туманининг Батпақ, Садовое, Озерное, Шет тумани, Мойнти ва Босаға овулларида бешта маданият уйи капитал таъмирланади.

Абай, Осакаров, Нура ва Буқар жирау туманларидаги 22 та аҳоли пунктида 134 километрлик овул ичидаги йўлларни таъмирлаш режалаштирилган.

Муаллиф: Агата Мухамеджанова