Омбудсман ЕХҲТнинг Астанадаги Дастурлар бюроси раҳбари билан учрашди

ASTANА. Кazinform – Инсон ҳуқуқлари бўйича вакил Артур Ластаев ЕХҲТнинг Астанадаги Дастурлар бюроси раҳбари Фолькер Фробарт билан учрашди. Бу ҳақда Kazinform вакилга таяниб хабар беради.

Томонлар Омбудсман институтининг ЕХҲТ миссияси билан ҳамкорлик форматини белгилаб олдилар, келгусидаги қўшма лойиҳаларнинг асосий жиҳатларини, шунингдек, инсон ҳуқуқлари бўйича минтақавий ва халқаро кун тартибидаги қатор долзарб масалаларни муҳокама қилдилар.

А. Ластаев халқаро дипломатга Қозоғистондаги инсон ҳуқуқлари соҳасидаги вазият ҳақида маълумот берди. Амалга оширилаётган конституциявий ислоҳотлар доирасида Омбудсманнинг ҳуқуқий мақоми, унинг янги ваколатлари, шунингдек, Омбудсманнинг ҳудудий вакилларининг тармоғи тизимини ташкил этиш билан таништирди.

Жамиятдан вақтинча ажратилган жойларда инсон ҳуқуқлари бузилишининг олдини олиш бўйича қабул қилинаётган юқори технологияли ечимларга ҳам эътибор қаратилди.

«Бугунги кунда барча ёпиқ муассасалар узлуксиз видеокузатув тизими билан жиҳозланган, маъмурий ходимлар иштирокисиз назорат органларига аризалар юбориш учун 243 та терминал ишламоқда. Маҳкум фуқароларга электрон давлат хизматларидан фойдаланиш имкониятини босқичма-босқич тақдим этиш режалаштирилмоқда», — деди Артур Ластаев.

Ўз навбатида, доктор Фробарт ЕХҲТнинг Астанадаги офиси омбудсман институтини кенг кўламли масалалар бўйича қўллаб-қувватлаш, жумладан, омбудсманнинг минтақавий вакиллари салоҳиятини ривожлантириш ва мустаҳкамлашга кўмаклашиш ниятида эканини айтди.

Ниҳоят, томонлар ўзаро ҳурмат ва узоқ муддатли тамойилларга асосланган ишончли шерикликни янада ривожлантиришга тўлиқ ҳисса қўшишга келишиб олдилар.

Фото: gov.kz