Олимпиада йўлланмасини қўлга киритган қозоғистонлик спортчилар рўйхати эълон қилинди
ҚР Маданият ва спорт вазирлиги Жисмоний тарбия ва спорт қўмитасининг Kazinform мухбирига берган маълумотига кўра, енгил атлетикадан Ольга Рыпакова (уч ҳатлаб сакраш) ва Георгий Шейко (20 км спортча юриш), очиқ ҳавзаларда сузишдан Виталий Худяков, сузишдан Дмитрий Баландин (2 лицензия), велошосседан Евгений Гидич, камондан ўқ отишдан (4 лицензия) Ильфат Абдулин, Денис Ганькин, Санжар Мұсаев, синхрон сузишдан Александра ва Екатерина Немич, қояга кўтарилиш спортидан Ришат Хайбуллин, Юнон-рум курашидан Мейрамбек Айнағұлов ва Асхат Ділмұхамедов (60 ҳамда 77 кг вазн тоифасида), аёллар ўртасида 50 ҳамда 76 кг вазн тоифасида Валентина Исламова ва Элмира Сыздықова, эркин курашдан Нұрислам Санаев (57 кг), Дәулет Ниязбеков (65 кг), Данияр Қайсанов (74 кг), Ерғали Әлішер (97 кг), спорт гимнастикасидан Милад Карими, ўқ отиш спортидан Сәрсенгүл Рысбекова, милтиқдан ўқ узиш бўйича Юрий Юрков, замонавий бешкурашдан Елена Потапенко ва Павел Ильяшенко Олимпиада йўлланмасини қўлга киритган.
Эслатиб ўтамиз, шу йилнинг охирига қадар миллий терма жамоа аъзолари Олимпиада лицензияси бериладиган 28 та жаҳон чемпионатига, 19 та Осиё чемпионатига ҳамда 12 та жаҳон саралаш мусобақаларида иштирок этишади. Шунингдек, 2020 йилда 3 та жаҳон чемпионати, 19 та Осиё чемпионати ва 18 та жаҳон миқёсидаги мусобақалар кутиб турибди. Умуман, 2016 йилги Олимпиада ўйинларидан (32 та спорт туридан 105 та лицензия) кам бўлмаган миқдорда лицензия олиш режалаштирилмоқда.
Муаллиф: Аян Ўрибаев