Оила масаласи билан боғлиқ докторлик диссертацияси ишларини кенгайтириш керак – ҚР Президенти Администрацияси раҳбари ўрибосари

ASTANA. Кazinform - Оилани мустаҳкамлаш ва демография масалаларига оид докторлик диссертацияси ишларини кенгайтириш зарур. Бу ҳақда Қозоғистон Республикаси Президенти Администрацияси раҳбари ўринбосари Аида Балаева маълум қилди, дея хабар беради Kazinform мухбири.

– Оилани мустаҳкамлаш, демография ва гендер масалалари бўйича докторлик диссертатсияси ишларини кенгайтириш жуда муҳим. Бу мавзуларни кам одам ҳимоя қилади ва биз учун ихтисослашган эксперт муҳитини кенгайтириш муҳим», - деди у оила, демография ва гендер сиёсати масалаларига бағишланган халқаро илмий конференция давомида.

У Қозоғистон учун оила институти давлатнинг муҳим таянчи, оила сиёсати эса Миллий тараққиёт стратегиясининг ажралмас қисми эканлигини таъкидлади.

«Ҳукумат олдига ҳар йили она ва болани ҳимоя қилиш, оила фаровонлигини таъминлаш соҳасида қонунчилик ва институционал имкониятларни кенгайтириш вазифаси қўйилмоқда. 2022 йил Болалар йили сифатида нишонланади. Шу боис анжуманнинг асосий сессияларидан бири Қозоғистоннинг бу борадаги илғор тажрибасини тақдим этишга бағишланган. Унда фаровонлик индекси ишлаб чиқилиб, уни амалга ошириш жараёни давом этмоқда. Мактабда психологик хизмат фаолиятининг ягона қоидалари мавжуд. Ҳудудларда болалар ҳуқуқлари бўйича вакиллар тайинланди. Жорий йилда Қозоғистонда 2030 йилгача оила ва гендер сиёсатини ривожлантириш концепцияси киритилди. Хулоса қилиб айтиш мумкинки, оиладаги зўравонликнинг олдини олиш ва аёлларнинг ролини таъминлаш бўйича меъёрий-ҳуқуқий база сезиларли даражада мустаҳкамланди», — деди Аида Балаева.

Муаллиф: Марлан Жиембай