ОАВ: «Толибон» Aфғонистонни бошқариш учун 12 кишидан иборат кенгаш тузади
Кенгашдаги энг нуфузли уч киши – «Толибон» сиёсий қаноти раҳбари Aбдул Ғани Барадар, «Толибон» ҳарбий комиссияси раҳбари Моулави Ёқуб ва «Ҳаққоний тармоғи» диверсия гуруҳи раҳбари ҳамда дала қўмондони Сиражуддин Ҳаққоний.
Нашрнинг ёзишича, толиблар Aфғонистонда на Президент, на бирор раҳбар ўрнатмоқчи. Шу билан бирга, улар Ҳукуматнинг собиқ аъзоларига ўзлари танлаган янги кабинетда вазирлик лавозимларини бериш ниятида. Толибон шу тариқа халқаро миқёсда эътирофини ошириш учун инклюзив ҳукумат тузади.
Барадар ва Ёқубга яқин манбаларга кўра, толиблар, шунингдек, ҳукмрон Ҳукуматнинг таниқли дала қўмондони, «Панжшер арслони» лақабли Aҳмад Шоҳ Масъуднинг (1953-2001) ўғли Шимолий альянс раҳбари бўлган Aҳмад Масъудни кўришни хоҳлашади. Бироқ, нашрнинг таъкидлашича, бу эҳтимолдан йироқ, чунки Масъуд Панжшер провинциясидаги ҳозирги қаршилик кучларини бошқармоқда.