USD 436.29 EUR 492.83
RUB 5.92 CNY 68.48
Янгиликлар

Нурсултон Назарбоев Қирғизистон Президенти билан учрашди

2 Март 18:37
Баҳам кўринг:
Нурсултон Назарбоев Қирғизистон Президенти билан учрашди

NUR-SULTAN. Kazinform – Қозоғистоннинг Биринчи Президенти Нурсултан Назарбаев Қирғизистон Республикаси Президенти Садир Жапаров билан учрашди, деб хабар беради Kazinform Elbasy.kz сайтига асосланиб.

Ўхшаш янгиликлар
Қозоғистон  Бош вазири Қирғизистон Ҳукумати Раиси  билан музокаралар ўтказди Қирғизистонга тўғридан-тўғри хорижий инвестициялар оқими 26,4 фоизга ошди Нурсултон Назарбоев Ўзбекистон Президенти Шавкат Мирзиёев билан учрашди

Музокаралар бошланишидан олдин Елбасы ва Қирғизистон Президенти «Назарбоев маркази»да намойиш этилган экспозицияларни кўздан кечирдилар. Учрашув давомида Нурсултан Назарбаев Садир Жапаровни Қирғизистон Президенти лавозимига сайлангани билан табриклади.

«Қозоғистонга хуш келибсиз! Сайловда Қирғизистон халқи сизга катта ишонч билдирди. Сизларга халқингизнинг порлоқ келажагини қуришда муваффақиятлар тилайман», - деди Қозоғистоннинг Биринчи Президенти.

Елбасы биродар мамлакатлар ўртасидаги мустақиллик йилларида эришилган ҳамкорлик ва шерикликнинг юқори даражасини қайд этди. Бундан ташқари, Нурсултан Назарбаев бугун Қозоғистон ва Қирғизистон президентлари ўртасида бўлиб ўтган музокаралар самарадорлигини таъкидлаб, ишбилармонлик алоқаларини янада ривожлантириш ва иқтисодий алоқаларни мустаҳкамлаш муҳимлигини таъкидлади.


Ўз навбатида, Садир Жапаров Қозоғистоннинг Биринчи Президентига икки халқ ўртасидаги муносабатларни ўрнатиш ва мустаҳкамлаш манфаати йўлидаги бунёдкорлик ишлари учун миннатдорлик билдирди.

«Мен сизни нафақат Марказий Осиё етакчиси, балки жаҳон миқёсидаги нуфузли сиёсатчи сифатида ҳам ҳурмат қиламан. Сиз халқларимиз ўртасидаги дўстлик ва ҳамкорликни мустаҳкамлашга катта ҳисса қўшдингиз», - деди Қирғизистон Республикаси Президенти.

Эслатиб ўтамиз, бугун, 2 март куни Қирғизистон Республикаси Президенти Садир Жапаров давлат ташрифи билан Нур-Султан шаҳрига келди.



Баҳам кўринг:
Ўхшаш янгиликлар
Мавзуга оид
Фикр қолдириш
+7
Жўнатиш
Онлайн ходимлар

Архив