Нурсултон Назарбоев: Kazinform - медиа индустрияси истеъдодли мутахассисларининг уйи
«Kazinform халқаро ахборот агентлигини 100 йиллик юбилейи билан табриклайман! Агентлик ҳар доим истеъдодли кадрлар ва маҳаллий медиа индустрияси профессионал мутахассисларининг уйи бўлиб келган. Мен уларнинг кўпчилигини эслайман ва уларнинг ишларига ижодий ва профессионал ёндошиши учун уларни ҳурмат қиламан.
Журналистиканинг яхши анъаналарини сақлаб келган Kazinform мустақиллик йилларида Қозоғистоннинг етакчи оммавий ахборот воситаларидан бирига айланди», - дейилади табрикномада.
Елбасы, шунингдек, Kazinform мамлакатда ва дунёда рўй бераётган воқеалар тўғрисида аниқ ва тезкор маълумот тарқатиш орқали мамлакатнинг ижтимоий ва ижтимоий-сиёсий ҳаётини ривожлантиришга салмоқли ҳисса қўшаётганини таъкидлади.
Kazinform 100 йиллик юбилейини халқаро мавқега эга манбалардан бири сифатида нишонламоқда. Бу ўз ишига иштиёқманд бўлган катта мутахассислар гуруҳининг уйғун фаолиятининг натижасидир. Бугунги нотинч даврда Агентликнинг профессионал фаолияти айниқса муҳимдир. Мен Kazinformнинг барча ходимларига мустаҳкам соғлиқ, ижодий илҳом, фаровонлик ва мустақил Қозоғистон манфаати йўлидаги ишларида муваффақиятлар тилайман», - деди Нурсултон Назарбоев.
