Нурсултон Назарбоев Дмитрий Медведев билан учрашди

None
None
NUR-SULTAN. Kazinform – Қозоғистон Республикасининг Биринчи Президенти – Елбасы Нурсултон Назарбоев Россия Федерацияси Хавфсизлик Кенгаши раисининг ўринбосари Дмитрий Медведев билан учрашди, дея хабар беради Kazinform Еlbasy.kz сайтига таяниб.

Елбасы олий мартабали меҳмонни қабул қилар экан, Қозоғистон ва Россия ўртасидаги муносабатларнинг барча соҳаларида икки томонлама ҳамкорлик юқори даражада эканлигини таъкидлади.

«Биз Сиз билан узоқ вақтдан бери ишлаймиз, ҳар доим тил топишиб, бир-биримизни тушиниб келдик. Маълумки, мен президент сифатида истеъфога чиқдим. Энди, қонун бўйича, мен Хавфсизлик Кенгаши Раиси мақомига эгаман. Яъни, биз яна ҳамкасблармиз. Келинг, бирга ишлайлик ва ташқи сиёсат масалалари бўйича фикр алмашайлик», - деди Нурсултон Назарбоев.

Ўз навбатида Россия Хавфсизлик Кенгаши раисининг ўринбосари ҳам давлатлараро ҳамкорлик муҳимлигини таъкидлади.

«Менинг ташқи сиёсат соҳасидаги янги давлат ташрифим Қозоғистондан бошланди. Бу тасодиф эмас. Бу бизнинг иттифоқдошлик муносабатларимизни ифодалайди ва шахсан менинг сизга бўлган ҳурматнинг белгисидир», - деди Д.Медведев.

Суҳбат давомида Қозоғистон Хавфсизлик Кенгаши Раиси кеча Москвада бўлиб ўтган Сурия масалалари бўйича Россия ва Туркия раҳбарлари ўртасидаги музокаралар натижаларини олқишлади. Елбасы манфаатдор томонларнинг Суриядаги вазиятни тартибга солиш бўйича Астана жараёнини давом эттириш тарафдори эканликларининг муҳимлигини таъкидлади.


Учрашув якунида Нурсултон Назарбоев ва Дмитрий Медведев Қозоғистон Республикаси Биринчи Президенти Кутубхонаси кўргазмаси экспозициялари билан танишди.

Сўнгги хабарлар