«Нурли жер»: Ақмола вилоятида 105 оила уйли бўлди

KÓKSHETAÝ. Kazinform –ҚР Конституциясининг 25 йиллиги арафасида Ақмола вилоятининг Буланди туманида 105 оила уйли бўлди, деб хабар беради Kazinform мухбири.

Макинскда «Нурли жер» дастури асосида қурилган 45 ва 60 хонадонли иккита уйдан 105 оилага янги квартираларнинг калити топширилди. Тадбирда вилоят раҳбари Ермек Маржиқпаев иштирок этди ва қутлов нутқи билан чиқди.

Иккита уйдаги 42 та квартира кўп болали оилаларга, 13 таси етим болаларга ва 50 таси ижтимоий заиф гуруҳларга мўлжалланган.

Пудратчиларнинг сўзларига кўра, уй барча талабларга мувофиқ қурилган. Уй ёнида автотураргоҳ ва болалар майдончаси мавжуд. 60 хонадонли уй қурилиши учун 225,6 миллион тенге, 45 хонадонли уй қурилиши учун 310,8 миллион тенге маблағ ажратилган.

«Барчангизни ҚР Конституциясининг 25 йиллиги билан табриклайман. Конституциямиз мустақиллигимизнинг асосий ютуғидир. Аҳоли фаровонлигини оширишнинг асосий йўналиши қозоғистонликларни уй билан таъминлашдир. Шу билан бирга, мустақиллик йилларида вилоятимизда 3 миллион квадрат метрдан ортиқ уй таъминланди. Сўнгги беш йил давомида биз ҳар йили 400 минг квадрат метр уй билан таъминлаймиз. Бу 1991 йилдагига нисбатан 10 баравар кўпдир. 12 мингдан зиёд ақмолалик уйли бўлди», - деди вилоят раҳбари.

Муаллиф: Аслан Оспанов