Нурлан Ниғматулин: Елбасы Ўзбекистон билан ўзаро ҳамкорликнинг асосини мустаҳкам қилди

НУР-СУЛТОН. Kazinform - Мажилис Раиси Нурлан Ниғматулин Ўзбекистонга уюштирган расмий ташрифи чоғида ЎР Олий Мажлиси Қонунчилик палатаси Спикери Нурдинжон Исмоилов билан учрашди. Бу хақда Kazinform Мажилис матбуот хизматига хавола қилиб хабар беради.

Бугунги кунда Ўзбекистон бизга энг яқин, энг ишончли ва дўст давлат эканлигини таъкидлаган Мажилис Раиси Қозоғистоннинг Биринчи Президент Нурсултон Назарбоевнинг шу йиллар мобайнида Ўзбекистон билан ўзаро ҳамкорликни ривожлантиришга алоҳида эътибор қаратиб келаётганлигини айтди.

Ўз навбатида Ўзбекистон Олий Мажлиси Қонунчилик палатаси Спикери Нурдинжон Исмоилов Қозоғистоннинг Биринчи Президент Нурсултон Назарбоевнинг тарихий ўрнига алоҳида тўхталди.

«Қозоғистон дунёдаги тарихи ва маданияти энг бой мамлакатлардан биридир. Биринчи Президент Нурсултон Назарбоев бошчилигида Қозоғистон эришган ютуқлардан биз ҳам мамнунмиз. Сизларнинг Елбасы бутун ҳаётини қозоғистонликларнинг фаровонлигига бағишлаб келмоқда» - деди ўзбекистонлик сиёсатчи.

Томонлар Қозоғистон ва Ўзбекистон ўртасидаги ўзаро ҳамкорлик ривожига икки давлат парламентлари вакилларининг қўшаётган ҳиссасига тўхталишди.

Учрашувда икки давлат парламентларининг соҳа қўмиталари, фракциялар ва партиялари ўртасидаги алоқаларни янада мустаҳкамлаш масалалари муҳокама қилинди.

Мажилис Раиси Нурлан Ниғматулин ЎР Олий Мажлиси Қонунчилик палатаси Спикери Нурдинжон Исмоиловни жорий йил 23-24 сентябрь кунлари пойтахтимиз Нур-Султон шаҳрида бўлиб ўтадиган «Катта Евроосиё: Мулоқот. Ишонч. Ҳамкорлик» мавзуидаги Евроосиё мамлакатлари парламентлари раисларининг IV Кенгашида иштирок этишга таклиф қилди.