Нур-Султандаги Рим Папасининг Месса маросимига 13 мамлакатдан одамлар ташриф буюрди

NUR-SULTAN. Kazinform – Рим Папаси Франциск томонидан Нур-Султан шаҳридаги ЭКСПО халқаро кўргазмалар маркази ҳудудида ўтказилган Месса маросимда 13 мамлакатдан 7 мингга яқин киши иштирок этди, деб хабар беради Kazinform.

Жаҳон ва анъанавий динлар етакчиларининг VII съезд ташкилотчиларига кўра, диний маросимда исталган дин ва конфессия вакиллари иштирок этиши мумкин эди. Аҳоли учун 5 минг та ўтириш ва 1700 та тик тинглаш жойлари тайёрланди. Ҳамма ўриндиқлар тўлди.

«Месса маросимига республикамиз вилоятлари, узоқ ва яқин хориждан минглаб зиёратчилар иштирок этди. Хорижий мамлакатлар географияси қуйидагича: Руминия, Германия, Польша, Россия, Ўзбекистон, Қирғизистон, Мўғулистон, Озарбайжон, Грузия, Туркманистон, Беларусь, Тожикистон», -дейилади ташкилотчилар.

Рим Папаси Месса давомида тинчлик ва адолатнинг катта қадриятини таъкидлади. У қуролли тўқнашувларга қарши тўхталиб, Қозоғистон Республикасига ташрифини уюштиргани учун миннатдорчилик билдирди.

Рим Папасининг хутбаси ва дуоси бир соатдан ортиқ давом этди. Хутба матни билан Ватиканнинг расмий сайтида танишиш мумкин.