Нур-Султандаги этнофестивалда рақс жамоалари чиқиш қилди

NUR-SULTAN. Kazinform - Қозоғистон халқи бирлиги куни арафасида ҚХА Нур-Султанда этник рақс фестивалини ўтказди, дея хабар беради Кazinform пойтахт ҳокимлиги сайтига таяниб.

Тадбир «Шабит» Қозоғистон Миллий санъат университетида бўлиб ўтди. Унда ўзбек, қирғиз, немис, арман, корейс, украин, поляк, чечен-ингуш, қорақалпоқ этник-маданий бирлашмалари вакиллари иштирок этди. Ижодий жамоалар замонавий рақснинг турли йўналишларини омма эътиборига ҳавола этди.

Тадбир ташкилотчиларининг таъкидлашича, этнофестивалдан кўзланган асосий мақсад – иштирокчиларнинг касб маҳоратини ошириш, ёш истеъдодларни аниқлаш, болалар рақс ижодини қўллаб-қувватлаш ва ривожлантириш, шунингдек, мамлакатда миллий бирлик ва тотувликни қўллаб-қувватлашдан иборат.

«Барча иштирокчилар ва томошабинларни халқ рақслари фестивалидек ажойиб байрам билан табриклайман. Бугун 10 та гуруҳ саҳнада чиқиш қилди, улар бошқа халқлар маданияти билан тез-тез танишишлари учун яна кўп бўлишини истардим – бу ҳам бирлаштиради, ҳам жипслаштиради», - дейди «Вайнах» ансамбли бадиий раҳбари Ҳанифа Мациева.

Фестиваль иштирокчилари ташаккурнома ва эсдалик совғалари билан тақдирланди.