Нур-Султанда уч сменали мактаблар сони деярли 2 баробар камайди
25 Май 16:51

Нур-Султанда уч сменали мактаблар сони деярли 2 баробар камайди

NUR-SULTAN. Kazinform – Нур-Султан шаҳрида ҳаддан тўла мактаблар сони 22 тадан 14 тага камайди. Бу ҳақда Нур-Султан шаҳри ҳокими Алтай Кўлгинов маълум қилди, дея хабар беради Kazinform мухбири.

«Президентимиз фармони билан бу йил «Бола йили» деб эълон қилинди. Бу борада фарзандлар тарбияси ва таълим-тарбиясига алоҳида эътибор қаратилмоқда. Спорт секциялари, тўгараклар сони кўпаймоқда. Шунингдек, болалар муассасалари инфратузилмасини яхшилаш режалаштирилган. Шаҳар бюджетининг 35 фоизи, яъни қарийб 500 миллиард тенге - болалар учун сарфланади. Яъни, уларни тарбиялаш, спорт, санъат ва бошқа маърифий тадбирларга жалб этишга қаратилган. Бу муҳим қўллаб-қувватлашдир», - деди Алтай Кўлгинов.

Ҳокимнинг сўзларига кўра, умумтаълим мактаблари сонини кўпайтириш устувор вазифадир.

«Пойтахтимизда 70 минг ўқувчига мўлжалланган 34 мактаб қурилди. Энди бу рақамни камайтирмаслигимиз керак. Аҳоли сони йил сайин ортиб бормоқда. Шу билан бирга, уч сменали мактаблар сони икки баравар камайди. Бундан ташқари, ҳаддан тўла мактаблар сони 22 тадан 14 тага камайди. Бугун пойтахтимиздаги мактабларни 8599 нафар битирувчи битирмоқда. Сентябрда эса 25-26 минг бола мактабга боради», - деди у.

Муаллиф: Али Ибраев

Ўхшаш янгиликлар

Янгиликлар

Архив