Валюталар курси:
    usd/kzt 431.07 eur/kzt 485.51

    rub/kzt 5.69 cny/kzt 67.47
Об-ҳаво маълумотлари:
Нур-Султон : °С
Алматы: °С

Нур-Султанда Қозоғистон машинасозларининг IХ форуми бошланди

22 Сентябрь 13:10

NUR-SULTAN. Kazinform – Нур-Султан шаҳридаги ЕХPО халқаро кўргазмалар мажмуасида Қозоғистон машинасозларининг IХ форуми бўлиб ўтмоқда, деб хабар беради Kazinform мухбири.

Қозоғистон Бош вазирининг биринчи ўринбосари Роман Скляр икки кун давом этадиган тадбирнинг ялпи мажлисида иштирок этди ва Президент Қасим-Жомарт Тоқаевнинг табрик сўзини ўқиди.

«Сизни Қозоғистон машинасозлари IХ форумининг бошланиши билан табриклайман. Форум бизнес ва давлат учун амалий мулоқот майдонига айланди, соҳадаги долзарб муаммоларни ҳал қилмоқда. Пандемияга қарамай, маҳаллий машинасозлар иқтисодий кўрсаткичлар бўйича етакчилардан бири. Соҳанинг ўсиши 24 фоизни ташкил этди. Бу ишлаб чиқариш секторининг ривожланишига катта ҳисса қўшади. Саноатлаштиришнинг 10 йилида машинасозлик саноати иқтисодий ривожланишга қўшган ҳиссаси бўйича тоғ-кон саноатидан биринчи маротаба ошиб кетди», - дейилади Президент табригида.

Президент ўз табригида Қозоғистон машинасозлари топшириқни муносиб бажараётганини ва маҳсулотлар турини кенгайтираётганини таъкидлади.

«Умуман олганда, соҳа мутахассислари мамлакатдаги иқтисодий ўзгаришлар бўйича етакчилик қилмоқда. Давлат ҳар доим муҳандислик соҳасидаги долзарб лойиҳаларни қўллаб-қувватлаган ва қўллаб-қувватлайди. Мурожаатда айтилишича, 2025 йилга келиб қайта ишлаш экспорти 24 миллиард долларга, меҳнат унумдорлиги 30 фоизга ошади. Шу мақсадда давлат саноат сиёсати тўғрисида қонун қабул қилади ва маҳаллий корхоналарни хомашё билан таъминлаш механизмларини тасдиқлайди.

Ички агросаноат сиёсати мувофиқлаштирилади. Ишончим комилки, машинасозлик Қозоғистон иқтисодиёти, бандлиги ва экспортининг локомотивига айланади», - дейилади табрик мактубида.

Форумда турли форматдаги панел муҳокамалари ва учрашувлар ўтказилади.

Муаллиф: Есимжан Нақтибай


Новости по теме