Нур-Султанда Covid-19 бўйича тез ёрдам чақирувлари сони 83 баравар камайди

NUR-SULTAN. Kazinform – Нур-Султанда Covid-19 бўйича тез ёрдам хизматига қўнғироқлар сони кунига 500 дан 6 гача (83,3 баравар) камайди, дея хабар беради Kazinform мухбири.

Пойтахт ҳокимлигининг Instagram саҳифасига кўра, қўнғироқлар умумий сони 3 мартага - кунига 3 мингдан 1 минггача камайди. Касалхоналарда пневмония билан оғриган беморлар сони 7 баравар камайди. Кўрилган карантин чоралари туфайли инфекцияни юқтириш занжири узилди ва тиббий ташкилотлар ва ходимларнинг иш юки сезиларли даражада камайди.

«Айни пайтда касалхоналарда 343 киши даволанмоқда. Касаллик чўққисида тахминан 4 минг киши бўлган. Олти ҳафталик карантин туфайли коронавируснинг тарқалиши камайди. Карантинни енгиллаштириш, вирус тўлиқ йўқ қилинди дегани эмас. У ҳали ҳам хавфли. Қариндошларингизни ҳимоя қилиш учун қатъий санитария қоидаларига риоя қилиш ва меҳмонларга, жамоат жойларига бормаслик керак», - деди пойтахт ҳокими Алтай Кўлгинов.

Пойтахтда 16 касалхонадан олтитаси ёпилди - улардаги барча беморлар даволаниб чиқди. Касалхоналарнинг иш юки 17,2% гача камайди.