Нур-Султан шаҳридаги кам таъминланган оилаларни газ билан таъминлаш учун 62,5 миллион тенге ажратилди

NUR-SULTAN. Кazinform – Нур-Султанда кам таъминланган оилалар уйларига газ таъминоти учун ажратилган маблағ икки баравар ошди, ҳисоблагичлар бепул таыдим этилади, дея хабар беради Кazinform шаҳар ҳокимининг ижтимоий тармоқдаги саҳифасига таяниб.

«Ҳозиргача биз уй-жойларни газ билан таъминлаш бўйича бир қатор чора-тадбирларни амалга оширдик: талаб қилинадиган ҳужжатлар рўйхати қисқартирилди, кам таъминланган оилаларга ажратиладиган маблағ икки баравар оширилди, ҳисоблагичлар (газ ўлчаш асбоблари) бепул тақдим этилди ва у ерда фоизсиз кредит дастури ҳамдир.

Эҳтиёжманд фуқаролар уйларига газ улаш учун ижтимоий ёрдам олишлари мумкин. Апрел ойидан бери моддий ёрдам миқдори икки баравар кўпайди ва 410 минг тенгедан ошди (130 БҲМ гача).

Ушбу ижтимоий ёрдамни олиш учун август ойида 188 оила мурожаат қилган бўлиб, уларнинг 178 тасига тайинланган. Ёрдам олганлар орасида пенсионерлар, ногиронлар, кўп болали оилалар ва бошқалар бор. Умумий суммаси 62,5 миллион тенгедан ортиқ.

Ҳокимнинг айтишича, Сариарқа ва Алмати туманлари зангори ёқилғи билан тўлиқ таъминланган. 680 километрдан ортиқ газ тақсимлаш тармоғи қурилиб, туманлараро тармоқлар ётқизилди. 14 минг абонентга газ, 6 мингдан ортиқ абонентга техник шартномалар тузилди, 4 минг 600 дан ортиқ уй-жой газ қувурига уланди. Шунингдек, ижтимоий объектлар газ билан таъминланди.

Бойқўнғир ва Есил туманларида газ қувурлари ётқизиш ишлари бошланди. Ильинка (Уркер), Пригородний, Тельман, «Family Village», «Garden Village» ва бошқа аҳоли пунктларида ишлар олиб борилмоқда. «Шубар» кичик туманида лойиҳалаш ишлари бошлаб юборилди.

Есил ва Бойқўнғир туманларида биринчи навбатда таъминот газ қувури, келгуси йилда туманлараро тармоқлар қурилади.

Фото: instagram.cоm/аltay_kulginov_оffisial