Нур-Султан шаҳрида «Буюк дашт гвардияси» номли кўргазма очилди

NUR-SULTAN. Kazinform – ҚР Биринчи Президенти - Елбасы кутубхонасида ҚР Қуролли кучларининг 30 йиллиги ҳамда қозоқ қаҳрамонлари Хиуаз Доспанова, Талғат Бигелдинов, Маншук Маметова таваллудининг 100 йиллигига бағишланган «Буюк дашт гвардияси» кўргазмаси очилди, дея хабар беради Kazinform.

Кўргазма «Қазақстан жолы» лойиҳаси доирасида ташкил этилди.

Экспозицияда Буюк дашт қаҳрамонлари институтидан бошлаб қозоқ аскарларининг кўп асрлик қаҳрамонликларини акс эттирувчи тарихий-маданий асарлар намойиш этилмоқда. Экспозициянинг асосий вазифаларидан бири тарихий хотирани асраб-авайлаш, унинг меросини қозоғистонликларнинг ёш, келажак авлодлари онгида тиклашдан иборат.

«1992 йил 7 майда Қозоғистоннинг Биринчи Президенти Нурсултон Назарбоев «Қозоғистон Республикаси Қуролли кучларини ташкил этиш тўғрисида»ги фармонни имзолади. Давлат раҳбари Қасим-Жомарт Тоқаев таъкидлаганидек, бу даврда армиямиз тўлиқ шаклланиб, давлат мустақиллиги ва яхлитлигининг таянчи ва асосий кафолатига айланди. Ҳозирги глобал вазият ва геостратегик беқарорлик шароитида ҳарбийларнинг роли ортиб бормоқда. Шу боис Давлат раҳбари топшириғига биноан бугунда Қозоғистон Қуролли кучларини янада модернизация ва қайта жиҳозлашга қаратилган кенг кўламли ислоҳотларга старт берилди», – деди кўргазмани Елбасы кутубхонаси директори Бахитжан Темирболат.

Кутубхона фонди материаллари ҳарбий хавфсизлик соҳасидаги тарихий меросни жонлантиради, замонавий Қуролли кучларни яратиш призмасини, кечаги ва бугунги қаҳрамонлик ишлари орқали замонавий Қозоғистонинг ретроспектив кўринишини шакллантиради.