Нур-Султан шаҳри аҳолиси 24 йил ичида қарийб тўрт баравар кўпайди
«1998 йилда Ақмолада 326 минг киши истиқомат қилган. Ўшандан бери мамлакатнинг асосий шаҳри аҳолиси деярли тўрт баравар кўпайди ва ҳозирда 1 миллион 262 минг кишини ташкил этади. Нур-Султанда аёллар сони 24 йил аввалгидек ҳали ҳам устунлик қилмоқда. Агар ўша даврда шаҳарда 174 минг аёл ва 152 минг эркак яшаган бўлса, ҳозирда аёллар сони 657 минг (52 фоиз), эркаклар сони 605 минг (48 фоиз)ни ташкил этади. Агар 1998 йилда пойтахтда 3400 нафар бола туғилган бўлса, 2021 йилда 31 минг бола туғилиб, шу тариқа туғилиш коэффициенти 11 дан 25,9 га кўтарилди (ҳар минг кишига), — деб хабар қилди Миллий статистика бюроси матбуот хизмати Тelegramда .
Бошқарма маълумотларига кўра, 1998 йилда шаҳарда 48 та умумтаълим мактаби бўлган бўлса, 24 йилдан сўнг уларнинг сони 147 тага етди. Касалхона ташкилотлари сони уч баравар кўпайди, яъни 15 тадан 45 тагача.