Нур-Cултандаги EXPO майдонида болалар товарлари ярмаркаси бўлиб ўтади

NUR-SULTAN. Kazinform – Нур-султан шаҳрида 17-21 август кунлари EXPO халқаро кўргазмалар маркази майдонида илк бор «Kids EXPO. Балалар әлемі» болалар товарлари ярмаркаси бўлиб ўтади, - дея хабар беради Kazinform Нур-Султан ҳокимлиги расмий сайтига таяниб.

Тадбир ташкилотчиси пойтахт ҳокимлиги кўмагида «QazExpoCongress» Миллий компанияси акциядорлик жамияти бўлади.

Ярмарка мавзулари: таълим, севимли машғулотлар, дам олиш, болалар маданияти (журналлар, китоблар ва мусиқа), ўйинлар дунёси (ўйинчоқлар, ўйинлар ва қўл санъатлари), болалар модаси ва кийимлари, жиҳозлар ва аксессуарлар ва бошқа соҳалар.

Болалар товарлари ва хизматлари пойтахт ярмаркаси «Kids EXPO. Балалар әлемі» товар ва хизматлар бозори етакчиларини бирлаштирган идеал коммуникацион платформадир.

Ярмарка китоб, канцелярия, тўқимачилик, таълим ва кўнгилочар соҳа вакилларини, болалар ва уларнинг ота-оналари учун товарлар ва хизматларни бир платформада бирлаштиради.

Фото : gov.kz