Нима учун рули ўнг томонда жойлашган автолар рўйхатга олинмайди

NUR-SULTAN. Kazinform – ҚР Ички ишлар вазирлиги Маъмурий полиция қўмитаси раисининг ўринбосари Серик Тусупов Қозоғистонда нима учун рули ўнг томонда жойлашган автомашиналарни рўйхатга олиш тақиқланганлигини тушунтирди, деб хабар беради Kazinform мухбири.

« Арманистондан олиб келинган автомобилни Қозоғистонда рўйхатдан ўтказиш нархи 11 940 тангани ташкил этади. Рўйхатга олиш учун 695 танга, техник ҳужжатларни расмийлаштириш учун 3473 танга, давлат рақами учун 7778 танга тўлаш керак. Импорт қилинган транспорт воситалари Арманистоннинг ваколатли идораларида рўйхатдан ўтганлиги сабабли, Қозоғистонда рўйхатдан ўтказилгандан сўнг уларга сариқ рангдаги давлат рақами берилади. Бундай рақамлар бошқа мамлакатда доимий рўйхатдан ўтган транспорт воситаларига берилади. Шунингдек, у автоулов эгаси яшайдиган минтақанинг коди билан бирга берилади», - деди у.

Ички ишлар вазирлигининг маълумотларига кўра, ўнг томонда ҳаракатланадиган автомобиллар рўйхатга олинмайди. Бу 2009 йилдан бери Қозоғистонда ушбу тоифадаги транспорт воситаларига қўйилган тақиқ билан боғлиқ.

«Рули ўнг томонда жойлашган транспорт воситаларининг тақиқланиши йўл ҳаракати қоидалари ва Божхона иттифоқининг техник регламентлари билан тартибга солинади. Тақиқ бошқа мамлакатлардан, шу жумладан Арманистондан олиб келинадиган транспорт воситаларига нисбатан ҳам қўлланилади.

Рули ўнг томондаги транспорт воситаларига йўл шароитлари туфайли дастлаб Япония ва Буюк Британияда рухсат берилган. Мамлакатимизда бундай машиналарни бошқариш ноқулайдир. Масалан, агар сиз бундай машиналар олдида машинани қувиб ўтмоқчи бўлсангиз, орқадан яқинлашиб келаётган машиналарни пайқамаслигингиз мумкин», - деди С.Тусупов.

Муаллиф: Аян Бекенўғли