Немис ишбилармонлари Россиядаги корхоналарини Қозоғистонга кўчириш ниятида

NUR-SULTAN. Kazinform – Германиялик бизнес вакиллари Россиядаги корхоналарини Қозоғистонга кўчириш ниятида. Бу ҳақда Германия иқтисодиёти Шарқий қўмитаси бошқарувчи директори Михаэль Хармс маълум қилди, деб хабар беради Kazinform мухбири.

«Россиядан Қозоғистон ва Марказий Осиёга кўчиб ўтаётган компаниялар ҳақида аллақачон эшитяпмиз. Германия компаниялари Россиядан Қозоғистонга кўчиб ўтишни режалаштираётганидан ҳам хабаримиз бор. Улардан баъзиларининг Россияда ҳамкорлари бўлган ва энди улар Қозоғистон имкониятларидан фойдаланмоқчи, Қозоғистон бозоридан ҳамкорлар топмоқчи. Бошқача айтганда, немис бизнесининг Қозоғистон ҳақидаги фикри ўзгармоқда ва Қозоғистон бозорига эътибор кучаймоқда», - деди у Нур-Султанда бўлиб ўтган Қозоғистон-Германия бизнес форумида.

Шу билан бирга, у Қозоғистоннинг немис бизнеси томонидан тан олинган улкан салоҳиятга эга эканлигини таъкидлади.

«Биз яқин келажакда катта ўзгаришларни кўряпмиз. Мен немис бизнесларини бизга қўшилишга таклиф қиламан. Кўпгина компаниялар аллақачон биз билан боғланишмоқда. Бу Қозоғистонда ишлаш имкониятини кўриб чиқаётган барча немис компаниялари учун яхши белгидир», - деди Михаэль Хармс.

Муаллиф: Марлан Жиембай