НАТОда қозоқ маданияти кўргазмаси бўлиб ўтди

BRÚSSEL-МОNS. Кazinform - Қозоғистон Республикаси Мустақиллигининг 30 йиллигини нишонлаш муносабати билан НАТОнинг Европадаги иттифоқдош қуролли кучлари Олий қўмондонлигида Қозоғистоннинг НАТО ҳузуридаги миссияси Қозоғистон маданияти кўргазмасини ўтказди, деб хабар беради Kazinform мухбири.

Қозоғистон Республикасининг Бельгиядаги Элчихонаси кўргазмада 24 давлатнинг ҳарбий-дипломатик корпуси вакиллари, ҳарбий хизматчилар шунингдек, Бош штаб бошлиғи ўринбосари – Бош қўмондонлик раҳбари бошчилигидаги Олий қўмондонлик раҳбарияти ҳамкорлик департаменти адмирали Бюлент Туран иштирок этганини таъкидлади.

Б.Туран ўз нутқида Қозоғистоннинг НАТО бўйича Марказий Осиё минтақасидаги асосий шериги сифатидаги аҳамиятини алоҳида таъкидлаб, мамлакатга тараққиёт, фаровонлик ва Шимолий Атлантика альянси билан ишончли ҳамкорлик ва муносабатларни янада мустаҳкамлашни тилади.

Таклиф этилганлар 1991 йилдан бери мустақил Қозоғистоннинг ташкил топиши билан яқиндан танишиш имконига эга бўлдилар. Кўргазмада Қозоғистон ҳақидаги нашр ва альбомлар, Абай шеърларининг француз тилига таржимаси, қозоқ миллий ҳаёти ва ошхонасига оид эсдалик совғалари ва буюмлари, шунингдек, қозоқ маданиятини акс эттирувчи бошқа экспонатлар тақдим этилди.

Қозоғистон Республикасининг НАТО билан ҳамкорлиги 1994 йилда имзоланган «Тинчлик йўлида шериклик» доиравий ҳужжатига асосланади ва шерикликнинг индивидуал ҳаракат режаси, режалаштириш ва кўриб чиқиш жараёни, оператив ҳамкорлик имкониятлари контцепцияси каби дастурлар доирасида амалга оширилади.

Муаллиф: Арнур Раҳимбеков