Нью-Йоркда олти ойлик карантиндан кейин музейлар очилмоқда

NEW YORK. EURONEWS-Kazinform – Нью-Йоркдаги санъат ихлосмандлари учун карантин муддати тугади. Манхеттен замонавий санъат музейи (МоМА) шу ҳафта қайта очилди, аммо заллар аввалгидек гавжум эмас, деб хабар берди Kazinform Euronewsга асосланиб.

«Менга Пабло Пикассо ва Жорж Соранинг расмлари ёқади, уларнинг иккаласи ҳам менинг севимли рассомларим», - дейди кичкинтой Элиана.

Метрополитен музейи ҳам жамоатчиликка очилган, аммо ҳозиргача ташриф буюрувчилар сони чекланган.

«Катта олма» музейларида қатъий қоида мавжуд: бу ерда ниқоб тақиш мажбурийдир, кириш жойида эса ҳарорат ўлчанади. Музейдаги одамлар сони 25%дан ошмаслиги керак. Шунинг учун Музей очилган биринчи куни одатдагидек 30-40 минг киши эмас, балки 10 минг киши ташриф буюрган.

Пандемия натижасида Нью-Йоркдаги музейлар Европага нисбатан анча кўп зарар кўрди. Чунки уларнинг бюджети чипталар савдосига боғлиқ.

Метрополитен музейи карантин туфайли 150 миллион доллар йўқотди ва 400 ходимни ишдан бўшатишга мажбур бўлган.