Нью-Йоркда ҳайдовчилар учун шаҳарнинг гавжум жойларига кириш пуллик қилинади

WASHINGTON. Kazinform - Нью-Йорк аста-секин ҳайдовчилардан шаҳарнинг энг гавжум ҳудудларига кириши учун қўшимча тўлов ундирадиган АҚШнинг биринчи шаҳрига айланишга яқинлашмоқда, деб хабар беради Kazinform ABC News телеканалига таяниб.

Нью-Йорк шаҳрида 2023 йилдан кейин Манхэттенга 60-чи кўчасидан пастроқда жойлашган туманларга кирувчи автоуловчилардан электрон тўловлар олиниши кутилмоқда. Йилига 1 миллиард долларга баҳоланган даромад шаҳар метроси ва автобус тизимларини капитал таъмирлашга сарфланади.

Ушбу ҳаракат Нью-Йорк шаҳар қонун чиқарувчи органининг 2019 йилги тирбандлик нархлари режасига мос келади, у дастлаб 2021 йилда кучга кириши кутилган эди. Аммо пандемия ва тартибга солувчилар томонидан кўрсатма йўқлиги лойиҳани тўхтатиб қўйганди.

Чоршанба куни шаҳар транспорт бошқармаси федерал тартибга солувчилар август ойида узоқ вақтдан бери кечиктирилган экологик баҳолашни эълон қилишлари кераклигини айтди, шундан сўнг Федерал автомобил йўллари маъмурияти нархлар, чегирмалар ва имтиёзларни белгилайдиган атроф-муҳит режасини якуний тасдиқлашни режалаштирмоқда.

Нью-Жерси штатидаги баъзи қонунчилар ушбу режани адолатсиз деб айтишди, чунки автоуловчилар Нью-Йоркка кириш учун кўприклар ва туннеллардан ўтишда бож тўлашмоқда ва ушбу йиғимдан олинган маблағлар Нью-Жерсидаги жамоат транспортини яхшилаш учун ишлатилмайди.

Фото: abcnews.go.com