+7 (701) 759 90 19
USD 423.95 EUR 495.81
RUB 5.84 CNY 65.6
Янгиликлар

Мустақилликнинг 30 йиллиги муносабати билан туркий тилли давлатлар ўртасида  телекўприк ташкил этиш таклиф қилинмоқда

15 Сентябрь 17:30
Баҳам кўринг:
Мустақилликнинг 30 йиллиги муносабати билан туркий тилли давлатлар ўртасида  телекўприк ташкил этиш таклиф қилинмоқда

NUR-SULTAN. Kazinform - Қозоғистон телерадиокорпорацияси бошқаруви раиси Лаззат Танисбай туркий тилли давлатларнинг давлат телеканалларида қўшма телекўприк ташкил этишни таклиф қилди, деб хабар беради Kazinform мухбири.

Ўхшаш янгиликлар

«Бу йил Қозоғистон, Ўзбекистон, Қирғизистон ва Озарбайжон каби туркий тилли давлатлар ўз мустақиллигининг 30 йиллигини нишонламоқда. Шу боис, ушбу 30 йиллик юбилей доирасида биз давлат телеканаллари билан биргаликда, Наврўз байрами доирасида телекўприк ташкил этишни таклиф қиламиз. Бу нафақат бизнинг ҳамкасбларимиз, балки умумий аудиториямиз учун ҳам қизиқарли бўларди. Масалан, ўтган йили Қозоғистон радиосининг 100 йиллигига радиокўприк ташкил қилдик. Унда Туркия, Озарбайжон, Қирғизистон, Ўзбекистон, Мўғулистон ва Эрондан радио мухбирлари иштирок этишди. Сизни келажакда ҳам шунга ўхшаш тадбирларни биргаликда ўтказишга таклиф қиламиз», - деди Лаззат Танисбай ХVII Евроосиё Медиа Форумида «Туркий тилли мамлакатларнинг оммавий ахборот воситалари» давра суҳбатида.

Шунингдек, Лаззат Танисбай туркий тилли мамлакатлар оммавий ахборот воситаларини нафақат маданий ва тарихий лойиҳалар, балки бугунги куннинг энг долзарб муаммоси - коронавирусга қарши курашда ҳам ҳамкорлик қилишга чақирди.

»Биргина Қозоғистон телерадиокомпанияси сўнгги бир ярим йил ичида томошабинларни коронавирус билан курашишга ва эмлашга ундайдиган 160 та мини-видео тайёрлади ва тақдим этди. Бизнинг мавзу ва томошабинлар олдидаги вазифамиз умумий. Шунинг учун биз бундай видеоларни улашишимиз . Биз туркий тилли мамлакатлар каналларида маҳсулотларни шу тилда дубляж қилишга ва эфирга узатишга тайёрмиз»,-деди у.


Муаллиф: Aйжан Серикжанқизи



Баҳам кўринг:
Ўхшаш янгиликлар
Мавзуга оид
Фикр қолдириш
+7
Жўнатиш
Онлайн ходимлар

Архив