+7 (701) 759 90 19
USD 425.3 EUR 501.05
RUB 5.85 CNY 65.88
Янгиликлар

Мустақиллик йилларида Қозоғистоннинг тарихий ва маданий мероси қандай тикланди

25 Март 16:44
Баҳам кўринг:
Мустақиллик йилларида Қозоғистоннинг тарихий ва маданий мероси қандай тикланди

ALMATY. Kazinform – Тарихий ва маданий мерос нафақат ҳар бир миллатнинг, балки бутун инсониятнинг бебаҳо ва алмаштириб бўлмайдиган меросидир. Қозоғистон Республикаси мустақиллик йилларида тарихий ва маданий ёдгорликларнинг сақланишини таъминлаш янги ёндашув ва янги механизмларни талаб қилди. Ҳаммаси бўлиб 1991 йилдан 2020 йилгача Қозоғистон тарихи ва маданияти ёдгорликларида 270 га яқин илмий-реставрация ишлари олиб борилди, деб хабар беради Kazinform мухбири.

2020 йилда вазирликлар томонидан 24 меъёрий ҳужжат қабул қилинди. Қозоғистон Республикасининг янгиланган «Тарихий ва маданий мерос объектларини муҳофаза қилиш ва улардан фойдаланиш тўғрисида»ги Қонуни ижроси доирасида Маданият вазирлиги томонидан қабул қилинган бир қатор қонуности ҳужжатлар, тарихий ва маданий мерос объектларини муҳофаза қилиш ва улардан фойдаланишни таъминлаш бўйича чораларни кучайтириш масаласини тартибга солишга қаратилган.

Шуни таъкидлаш керакки, Елбасы Нурсултон Назарбоевнинг ташаббуси билан 2004-2011 йилларда ноёб «Маданий мерос» Давлат дастури ишлаб чиқилган ва амалга оширилган, бу тарихий ва маданий мероснинг кенг қатламини тизимлаштириш ва муомалага киритиш имконини берди. «Маданий мерос» Қозоғистон тарихида бўлмаган самарали инсонпарварлик ҳаракатига айланди.

Бугунги кунга қадар маҳаллий аҳамиятга эга бўлган тарихий ва маданий ёдгорликлар рўйхатига 11 мингдан зиёд, республика аҳамиятидаги - 250 ва халқаро аҳамиятга эга бўлган - 10 объектлар киритилган. Бу Ҳ.А. Яссавийнинг (2003) мақбараси ёдгорлиги, Танбали петроглифлари (2004) ва 8 та археологик ёдгорликлар (Талгар, Карамерген, Қаялик, Ақиртас, Кулан, Мерке, Орнек ва Костобе) ЮНЕСКОнинг Жаҳон мероси рўйхатига киритилган.

Сўнгги йилларда бешта давлат музей-қўриқхоналари яратилди: «Иссиқ» (2010) - Алмати вилоятида, «Берел» (2008) - Шарқий Қозоғистон вилоятида, «Ботай» (2018) - Шимолий Қозоғистон вилоятида, «Сарайшиқ» (2018) - Атирау вилоятида ва «Бозок» (2018) - Нур-Султан шаҳрида. «Отырар», «Танбалы» и «Улытау» музей-қўриқхоналарининг ташриф марказлари биноси қурилиши якунланди. Яқин йилларда «Есик», «Ордабасы», «Ҳазрет Султон», «Берел» ва «Сарайшиқ» музей-қўриқхоналарида ташриф марказларини қуриш режалаштирилган.


Муаллиф: Гулзат Сахова



Баҳам кўринг:
Мавзуга оид
Фикр қолдириш
+7
Жўнатиш
Онлайн ходимлар
Муҳаррир
Нурлан Туйахов
Нурлан Туйахов
954-059

Архив