Мустақиллик йилларида Қозоғистонда неча марта Мотам куни эълон қилинган
2006 йил, 22 сентябр Ленин (Шахтинск) конидаги фожиа.
2006 йил, 20 сентябрда Қарағанди вилояти, Шахтинск шаҳридаги Ленин конида техноген авария юз берди. Портлаш оқибатида 41 кончи ҳалок бўлди, 7 нафар ишчи жароҳат олди.
2008 йил, 14-16 январ. Aбай конида метан портлаши.
Метан портлаши 400 метр чуқурликда содир бўлган. Расмийларга кўра, ўша пайтда конда 191 киши бўлган. Портлашдан кейин лава қизил оловга бурканди. 30 киши ҳалок бўлди.
2010 йил, 16 март Қизилағашда сув тошқини.
Бу Мустақил Қозоғистон тарихидаги энг ҳалокатли сув тошқинларидан биридир. Воқеа 11 мартдан 12 мартга ўтар кечаси Алмати вилоятининг Қизилағаш қишлоғида содир бўлган. Ҳодиса оқибатида 43 киши, жумладан, саккиз нафар бола ҳалок бўлган.
2012 йил, 5 июн. Aрқанкергендаги қонли воқеа.
28 май куни «Aрқанкерген» чегара хизматида 14 нафар чегарачи ва қўриқчи ҳалок бўлди. Жиноятда тирик қолган аскар Владислав Челах айбдор деб топилди. Ҳозирда у қамоқхонада жазо муддатини ўтамоқда.
2012 йил, 27 декабр. Чимкентда самолёт ҳалокатга учради
2012 йил, 25 декабрда Чимкент яқинида Aн-72 ҳарбий самолёти ҳалокатга учради. Бортдаги 27 кишининг барчаси ҳалок бўлган.
2013 йил, 31 январ. SCAТ самолёти ҳалокатга учради
Самолёт ҳалокатига учраган 21 киши ҳалок бўлган. 16 йўловчи ва 5 экипаж аъзоси. SCAТ лайнери Кокшетаудан Алмати шаҳрига ички рейсни амалга ошираётганда Алмати аеропорти яқинида ҳалокатга учради.
2016 йил, 9 июн. Aқтўбедаги терроризм
Террорчилик ҳаракати натижасида террорчилар томонидан 8 киши ҳалок бўлди. Aксилтеррор операцияси давомида 18 нафар жиноятчи йўқ қилинди.
2019 йил, 28 декабр. BekAir самолёти ҳалокатга учради
2019 йилнинг 27 декабр куни BekAir авиакомпаниясининг Алматидан Нур-Султанга учаётган самолёти ҳалокатга учради. Бир неча соатдан кейин ҳалок бўлганларнинг аниқ сони ва исм-шарифлари маълум қилинди.
2020 йилнинг 13 июл куни коронавирусдан вафот этганлар учун Умумхалқ мотам куни деб эълон қилинди.
2021 йил, 26 август.
Қозоғистон Республикасида Жамбил вилоятининг Байзақ туманидаги ўқ-дорилар омборида содир бўлган ёнғинлар ва портлашлар оқибатида инсонлар ҳалок бўлгани муносабати билан Умуммиллий мотам эълон қилинди.
2022 йил, 10 январ.
Қозоғистон Президенти Қасим-Жомарт Тоқаев мамлакатдаги тартибсизликлар пайтида кўплаб инсонлар ҳалок бўлгани муносабати билан 10 январни Умуммиллий мотам куни деб эълон қилди.