Мухлислар Димаш Қудайберген ҳақида веб-ўйин яратдилар

NUR-SULTAN. Kazinform – Аргентиналик мухлислар Димаш Қудайберген ҳақида веб-ўйин чиқарди, деб хабар беради Kazinform dimashnews.com сайтига таяниб.

Мини-ўйин яратиш ғояси La Era Dimash станциясининг асосчиси Паола Профетага тегишли. У радио график дизайнига масъул бўлган Силван Агирредан ёрдам сўради. Кейин, биргаликда ўтириб, ўйинларни безаш учун расмларни танладилар. Улар орасида Байтерек ва Ақтўбе шаҳридаги диққатга сазовор жойлар ҳам мавжуд.

Ўйинлар жуда оддий дастур билан яратилган ва бепул ўйнаш мумкин. Мухлислар La Era Dimash станциясининг лойиҳасини мамнуният билан қабул қилдилар. Қозоқ қўшиқчисининг барча ёшдаги мухлислари миннатдорчилик билдиришди. Чунки ўйинлар осон ва бўш вақтингизда кўнгил очишга ёрдам беради.

Энди La Era Dimash бошқа кўнгилочар лойиҳаларни тайёрламоқда. Масалан, Димаш ва Қозоғистон маданияти ҳақида викторина-дастур яратиш режалаштирилган.

Эслатиб ўтамиз, Димаш ва унинг мухлислари учун туну кун ишлайдиган биринчи радиостанция La Era Dimash 2020 йил 14 июлда ишга туширилди. Фақатгина Димашнинг қўшиқлари ижро этиладиган радиостанцияни очиш ғояси унинг аргентиналик мухлиси Паола Профета 2019 йил август ойи охирида пайдо бўлди.