Москвада коронавирусдан бир кунда 68 киши вафот этди

MOSKVA. TASS-Kazinform – Москвада коронавирус туфайли 68 нафар бемор вафот этди. Бу ҳақда жума куни коронавирус инфекцияси билан боғлиқ вазиятни назорат қилиш ва мониторинг қилиш тезкор штаби маълум қилди, деб хабар беради Kazinform ТАСС агентлигига таяниб.

Россия пойтахтида янги коронавирус инфекцияси жами 1 358 кишининг ҳаётига зомин бўлган.

«Москвада пневмония ташхиси қўйилган ва коронавирус инфекцияси бўйича ижобий тест натижаларини кўрсатган 68 бемор вафот этди», - дейилади баёнотда.

Штабнинг билдиришича, ЎРВИ аломатлари бўлган одам уйда қолиб, зудлик билан шифокорни чақириши лозим ва ўзини-ўзи даволашга уринмаслиги керак.

14 май куни Москвада коронавирус билан касалланганлар сони 130 716 кишига етган.

Коронавирус пандемияси бошлангандан бери дунёда 4,3 миллион одам касалланиб, 290 мингдан кўпроқ одам вафот этган. Россияда эса COVID-2019 вирусини юқтиришнинг жами 252 245 та ҳолати қайд этилган ва 2 305 киши вафот этган.