Мирзиёев Самарқанд давлат университетига Шароф Рашидов номини берди

TASHKENT. Kazinform – Ўзбекистон президенти Шавкат Мирзиёев Самарқанд давлат университетига Шароф Рашидов номини берди, деб хабар беради Kazinform ЎзА агентлигига таяниб.

Куни кеча мамлакат президентининг «Самарқанд давлат университети фаолиятини янада такомиллаштиришга доир қўшимча чора-тадбирлар тўғрисида»ги қарори қабул қилинган.

Ҳужжатнинг биринчи бандида «Самарқанд давлат университетига атоқли давлат ва жамоат арбоби Шароф Рашидов номи берилсин», - дейилади.