Мексикада отишма: саккиз киши ҳалок бўлди

MEXIKO. Kazinform – Мексиканинг шимоли-шарқидаги Тамаулипас штатининг Камарго туманида шахслар ўртасида содир бўлган қуролли тўқнашувда камида саккиз киши ҳалок бўлди, деб хабар беради Kazinform El Universal газетасига асосланиб.

Воқеа жойида ёниб кетган еттита машина топилган. Дастлабки маълумотларга кўра, воқеага «Шимоли-шарқий картели» жиноий ташкилоти алоқадор. Федерал ёки минтақавий ҳокимият ҳозирча бу хабарга изоҳ бергани йўқ.

Оммавий хавфсизлик ва фуқароларни муҳофаза қилиш вазирлигининг хабар беришича, қотиллик энг юқори бўлган давлатлар - Гуанахуато, Мехико, Мичоакан, Халиско ва Чиуауа.