Меҳр-мурувват ойида халқимиз қилган эзгу ишлари кўпайсин, савобли бўлсин – ҚР Президент

None
ASTANА. Кazinform – Давлат раҳбари Қасим-Жомарт Тоқаев Қозоғистон халқини Рамазон ойи бошланиши билан табриклади, дея хабар беради Кazinform Ақордага таяниб.

«Азиз биродарлар!

Сизларни муборак Рамазон ойининг бошланиши билан чин қалбимдан табриклайман!

Бу бутун мусулмон жамияти учун жуда муҳим палладир.

Инсониятнинг маънавий покланиши ва ҳар томонлама камол топишини бошлайдиган бу ойда бағрикенглик, меҳр-оқибат, эътиқод каби қадриятлар кенг тарғиб этилмоқда.

Ота-боболаримиз Рамазонни «ўн икки ойнинг султони» деб улуғлашган. Рўзадорларга ифторлик бериб, бир-бирларига алоҳида ҳурмат кўрсатарди.

Анъаналаримиз билан боғлиқ бўлган эзгу динимиз асрлар давомида Буюк Даштда юрт бирлиги, жамият тинчлигини сақлашда муҳим ўрин тутиб келмоқда.

Меҳр-мурувват ойида халқимиз қилган эзгу амаллари кўпайиб, савобли бўлсин!

Барчангизга сиҳат-саломатлик ва фаровонлик тилайман!

Тутган рўзаларингиз қабул бўлсин!», — дейилади Давлат раҳбари табригида.


Фото: akorda.kz
Сўнгги хабарлар