МДҲ ўқитувчилари Қозоғистон пойтахтида учрашади

30 Сентябрь, 16:14
МДҲ ўқитувчилари Қозоғистон пойтахтида учрашади

ASTANA. Kazinform – 4-6 октябр кунлари Астана шаҳрида МДҲ давлатлари ўқитувчиларининг съезди бўлиб ўтади, дея хабар беради Kazinform ҚР Таълим вазирлигига таяниб.

4-6 октябр кунлари Астана шаҳрида «Янги реал вазиятда Мустақил Давлатлар Ҳамдўстлигини яратиш ва пандемиядан кейинги даврда таълим жараёнини ўзгартириш» мавзусида ўқитувчилар ва бошқа таълим соҳаси ходимларининг VII съезди бўлиб ўтади.

Эслатиб ўтамиз, Ўқитувчилар съезди МДҲ мамлакатлари таълим вазирлари конференцияси қарори билан икки йилда бир марта ўтказилади.

2010 йилда Қозоғистонда МДҲга аъзо давлатлар ўқитувчилари ва таълим ходимларининг биринчи съезди бўлиб ўтди.

«Ҳозирда турли мамлакатлар ўқитувчиларининг муштараклиги ва бирлиги давлатлар ўртасида таълим соҳасидаги ҳамкорлик барқарорлиги ва мустаҳкамланиши гаровидир. МДҲ давлатларининг таълим соҳасидаги ҳамкорлик кенгаши VII съезни Қозоғистонда ўтказишга қарор қилди. Турли йўналишлар бўйича жами 9 та мавзули бўлим ташкил этилади: таълим мазмуни, баҳолаш, умуминсоний қадриятлар, ўқитувчилар малакасини ошириш, қўшимча таълим, рақамли трансформация, болалар фаровонлиги, инклюзивлик ва касб-ҳунар таълими. Рақамлаштириш даврида академик саводхонликни ошириш ва ота-оналар билан ўзаро ҳамкорлик масалалари ҳам муҳокама қилинади», - деди Ўрта таълим қўмитаси раиси Гулмира Каримова.

Съезд доирасида ІІ Педагогик маҳорат фестивалининг якуний босқичи бўлиб ўтади ва танлов финалчилари, яъни МДҲ давлатларидан ўқитувчилар Қозоғитонга келади. Улар мусобақа дарсларини кўрсатадилар. Ўқитувчилар учун маҳорат дарслари учта номинация бўйича ўтказилади: ўқитувчи, педагог ва психолог/ижтимоий педагог.

Шу билан бирга, съезда мактабгача ва ўрта таълим соҳасидаги рақамли ва босма маҳсулотлар кўргазмаси ҳамда ўқув-услубий мажмуа ташкил этилади. Қозоғистон тадбиркорлари ва стартаплари таълим муассасаларида ўқитиш ва ўқитишни самарали ташкил этувчи IT-лойиҳаларини тақдим этади.

Ўхшаш янгиликлар

Янгиликлар