МДҲ давлатлари ўртасидаги савдо-иқтисодий алоқаларни фаоллаштириш зарур – ҚР Президенти

NUR-SULTAN. Kazinform - Мустақил Давлатлар Ҳамдўстлиги мамлакатлари ўртасидаги савдо-иқтисодий алоқаларни фаоллаштириш зарур. Бу ҳақда Қозоғистон Президенти Қасим-Жомарт Тоқаев МДҲ давлатлари раҳбарлари кенгашининг навбатдаги йиғилишида маълум қилди, деб хабар беради Kazinform мухбири.

«Савдо-иқтисодий ҳамкорликни жонлантириш ва кенгайтириш устувор вазифадир. Бир қатор нуфузли халқаро ташкилотларнинг маълумотларига кўра, МДҲ мамлакатларининг минтақавий товар айланмаси 91 миллиард долларни ёки жаҳон савдосининг атиги 0,5 фоизини ташкил қилади. Шу билан бирга, Ҳамдўстлик мамлакатларининг ўзаро савдоси улуши мамлакатларимизнинг ташқи дунё билан умумий савдо айланмасининг қарийб 20 фоизини ташкил қилади «,-деди Қасим-Жомарт Тоқаев.

Президентга кўра, бу кўрсаткичлар МДҲ мамлакатлари савдо -иқтисодий алоқаларни сезиларли даражада ошириш учун катта имкониятларга эга эканлигини кўрсатади.

»Шу боис, иқтисодий ҳамкорликнинг замонавий усулларини акс эттириш ва такомиллаштириш учун биргаликда ҳаракат қилиш зарур«, - деди Президент.

Муаллиф: Марлан Жиембай