Маймун чечаги касаллиги АҚШнинг барча 50 штатларида қайд этилган

WASHINGTON. Кazinform - АҚШ соғлиқни сақлаш расмийлари ҳозирда 50 штатнинг барчасида маймун чечаги аниқланганини маълум қилди, дея хабар беради Кazinform ABC Newsга таяниб.

Вайоминг душанба куни маймун чечаги касаллиги ҳақида хабар берган охирги штатга айланди. Штат Соғлиқни сақлаш департаменти Шайенн пойтахтини ўз ичига олган Ларами округида касал одам ҳақида хабар берди.

Соғлиқни сақлаш ходимлари ҳозирда штатда маймун чечагининг тарқалиш хавфини камайтириш учун касал одам билан алоқада бўлган одамлар сонини текширмоқда.

Массачусетс штатидаги беморда биринчи ҳолат май ойининг ўрталарида эълон қилинганидан бери, АҚШ Касалликларни назорат қилиш ва олдини олиш марказларига кўра, душанба куни бутун мамлакат бўйлаб 14,100 дан ортиқ ҳолат қайд этилган.

Айни пайтда касалланганлар сони бўйича Нью-Йорк етакчилик қилмоқда – 2,7 мингдан ортиқ киши, Калифорния, Флорида, Техас ва Жоржия кейинги ўринларда.

Соғлиқни сақлаш расмийлари маймун чечаги билан касалланган ҳар қандай одамни АҚШ озиқ-овқат ва дори-дармонлар бошқармаси томонидан чечак ва маймун чечаги учун тасдиқланган Jynneos вакцинасини олишга чақирмоқда.

АҚШ Соғлиқни сақлаш ва ижтимоий хизмат департаментига кўра, 9 август ҳолатига кўра 620 000 дан ортиқ дозада вакцина сотиб олинди ва буюртма учун яна 1,1 миллион вакцина мавжуд.

Фото: аbcnews.gо.cоm