Май ойида Қозоғистонда ўртача ойлик иш ҳақи 232,3 минг тенгени ташкил этди

NUR-SULTAN. Kazinform - 2021 йил май ойида Қозоғистонда бир ишчига ўртача ойлик номинал иш ҳақи 232 минг тенгедан ошди. Бу ҳақда Қозоғистон Стратегик режалаштириш ва ислоҳотлар агентлигининг Миллий статистика бюроси маълум қилди, деб хабар беради Kazinform.

«2021 йил апрел ойида аҳоли жон бошига ўртача номинал даромадлари 124 132 тенгени (дастлабки маълумотлар) ташкил этди. Бу 2020 йил апрел ойига нисбатан 10,1 фоизга юқори, реал даромад шу даврда 2,9 фоизга ўсди.

2021 йил май ойида бир ишчига ўртача ойлик иш ҳақи 232 347 тенгени ташкил этди», - дейилади хабарда.

Халқаро меҳнат ташкилоти томонидан аниқланган ишсизлар сони мамлакатда 2021 йилнинг I чорагида 451,3 минг кишини ташкил этди. Ишсизлик даражаси ишчи кучининг 4,9 фоизини ташкил қилади. Бандлик агентликлари томонидан ишсизлар сифатида рўйхатдан ўтганлар сони 2021 йил май ойининг охирида 222,7 минг кишини ёки ишчи кучининг 2,4 фоизини ташкил этди.