Марказий Осиёни иқлим ўзгаришига мослаштириш стратегияси ишлаб чиқилмоқда

ASTANА. Кazinform – Қозоғистон Марказий Осиёда иқлим ўзгаришига мослашиш бўйича минтақавий стратегияни ишлаб чиқишда иштирок этмоқда. Бу ҳақда ҚР Бош вазирининг биринчи ўринбосари Роман Скляр тарқатиб юборилган Мажилис депутатлари саволига берган жавобида маълум қилди, дея хабар беради Kazinform мухбири.

«Яшил Марказий Осиё» ташаббуси доирасида Марказий Осиё давлатлари вакилларидан иборат ишчи гуруҳ «Марказий Осиёда иқлим ўзгаришига мослашиш бўйича минтақавий стратегия»ни ишлаб чиқмоқда. Қозоғистон томонининг минтақавий стратегияни ишлаб чиқишда иштирок этиши экологик ва иқлим муаммолари бўйича минтақавий сиёсий мулоқотни шакллантириш имкониятини очиб беради», — дейилади жавобда.

Ҳужжат лойиҳаси минтақадаги барча давлатлар томонидан маъқулланиши керак. Шундан кейингина амалга ошириш бошланади.

«Шунингдек, бу бутун Орол бўйларини, жумладан, Қозоғистонга тегишли қисмини ҳам ривожлантиради, унинг экотизимини сақлаб қолиш учун қулай шарт-шароитлар яратади. Айни пайтда давлат органлари даражасида минтақавий стратегия лойиҳасини тасдиқлаш ишлари олиб борилмоқда. Марказий Осиёнинг барча мамлакатлари томонидан маъқуллангач, уни амалга ошириш режалаштирилмоқда», - деб ёзади Ҳукумат раҳбарининг биринчи ўринбосари.

Муаллиф: Марлан Жиембай