«Марказий Осиё - Хитой» сиёсий мулоқоти бошланди

NUR-SULTAN. Kazinform – Қозоғистон Ташқи ишлар вазири Мухтар Тлеуберди «Марказий Осиё - Хитой» юқори даражадаги биринчи йиғилишида иштирок этди. Бу ҳақда ТИВ матбуот хизматига асосланиб Kazinform хабар бермоқда.

Видеоконференцияда Хитой, Қирғизистон, Тожикистон, Туркманистон ва Ўзбекистон ташқи ишлар вазирлари ҳам иштирок этди. Тадбир давомида вазирлар халқаро ва минтақавий кун тартибидаги қатор долзарб масалалар юзасидан фикр алмашдилар.

Иштирокчилар Марказий Осиё давлатлари ва Хитой ўртасидаги дўстлик, яхши қўшничилик ва ўзаро манфаатларга асосланган кўп қиррали ҳамкорликни чуқурлаштириш умумий манфаатларга жавоб беришини ва минтақада иқтисодий ўсиш ва хавфсизликни таъминлашда муҳим омил эканлигини таъкидладилар.

Пандемияга қарши курашда унинг салбий оқибатларини бартараф этиш ва минтақа иқтисодиётини тиклаш масалаларида устувор вазифаларга эътибор қаратилди. Қозоғистон гуманитар ёрдам ва пандемияга қарши курашда ҳар томонлама ёрдам бергани учун Хитой томонига миннатдорчилик билдирди.

Учрашув иштирокчиларининг фикрига кўра, COVID-19 тарқалишининг олдини олиш бўйича мажбурий чоралар минтақалараро ҳаракатчанлик ва ташқи иқтисодий фаолликни сезиларли даражада пасайишига олиб келди. Томонлар минтақавий иқтисодий интеграция, савдо ва ўзаро сармояларни рағбатлантириш борасидаги қўшма саъй-ҳаракатларни қўллаб-қувватладилар.

Чегараларда санитария-карантин чораларини қўллаш нуқтаи назаридан, юкларни ташиш ва транзит юклар алоҳида аҳамиятга эга бўлди. Хитой томони мамлакатларимиз иқтисодиётларининг ўзаро боғлиқлигини ҳисобга олган ҳолда, трансчегаравий юкларнинг узлуксиз оқишини таъминлаш мақсадида Марказий Осиёдаги шериклар учун «яшил йўлаклар» ташкил этишга тайёрлигини билдирди. Марказий Осиё ва Хитой ташқи ишлар вазирлари рақамлаштириш, молиявий хизматлар, электрон тижорат, ақлли шаҳарлар ва бошқа «ноу-хау» каби ўсиш драйверлари бўйича ҳамкорлик имкониятларини муҳокама қилдилар. Амалий фанлар, хусусан, илмий талаб этиладиган маҳсулотлар ишлаб чиқариш, шунингдек, фармацевтика саноатида ҳамкорликни ривожлантиришга тайёрлиги қайд этилди.

Ташқи ишлар вазирлари «Марказий Осиё - Хитой» форматини тасдиқлашга қарор қилдилар ва барқарор кўп томонлама сиёсий мулоқотни давом эттиришни қўллаб-қувватладилар.

Учрашув якунлари бўйича томонлар қўшма баёнот қабул қилдилар.