Манғистаунинг «Жорға» рақс ансамбли халқаро танловнинг бош совринини қўлга киритди

AQTAÝ. Kazinform – Манғистаунинг «Жорға» рақс ансамбли Арманистон пойтахти Ереван шаҳрида ўтказилган «DANCE SUPER STAR-2022» халқаро рақс танловида ғолиб бўлди, деб хабар беради Kazinform мухбири.

Танловда Арманистон, Грузия, Россия, Беларуснинг энг яхши рақс жамоалари иштирок этди.

Томошабинлар ва ҳакамлар ҳайъати эътиборига ҳавола этилган 47 та рақс намойиши орасида «Жорға» рақс ансамбли фольклор дастурини намойиш этди.

Жумладан, манғистаулик раққослар ижросидаги «Қусбеги» рақси 1-ўрин, «Бастанғи» рақси гран-при ва «Салтанат» рақси супергран-присига сазовор бўлди.

«Ушбу мусобақа 5-маротаба ўтказилмоқда. Ҳакамлар ҳайъати таркибига Италия, Болгария ва Россиядан келган мутахассислар бўлди. Биз фольклор йўналишида миллий урф-одатларимизни, ўғил ва қиз ўртасидаги ҳис-туйғуларни, беташар маросимини рақс орқали кўрсатдик. Ансамбльни тайёрлашда катта меҳнат қилган Ерлан Матайбаев, Айнур Сариева, Қуандиқ Баянбердиев, Қуандиқ Танатаровлардан чексиз миннатдорман. Бу ғалаба жамоанинг 25 йиллик юбилейи муносабати билан раққосалар учун катта туртки бўлди», – дейди «Жорға» рақс ансамбли раҳбари Серик Сариев.

Муаллиф: Индира Сатенбай