Мақтааралда ўзбек аскарини қидириш давом этмоқда

None
None
MAQTAARAL. Kazinform – Қозоғистоннинг Туркистон вилояти Мақтаарал туманида сув тошқинида бедарак йўқолган ўзбекистонлик аскарни қидириш ишлари давом этмоқда. 20 июнь куни бошланган қидирувда Туркистон вилояти ва Чимкентдан келган қутқарув гурухи аъзолари ва кинологлар иштирок этишди, улар 120 км масофани босиб ўтишди, дея хабар беради Kazinform мухбири.

Чимкент фавқулодда вазиятлар бошқармасининг ички ва ташқи алоқалар гуруҳининг хабарига кўра, 1992 йилда туғилган Ўзбекистон Республикаси Миллий гвардиясининг ҳарбий хизматчисини қидириш «Женис» ва «Жанатурмис» қишлоқлари яқинидаги каналлар яқинида амалга оширилмоқда. Қидирувга Чимкент фавқулодда вазиятлар бошқармасининг 3 қутқарувчиси, 2 та кинолог ходими, 1 чегара хизмати ходими, Ўзбекистон Республикаси Фавқулодда вазиятлар вазирлигининг 3 қутқарувчиси жалб қилинган. Қидирув ер усти, сув юзаси ва сув ости усуллари орқали амалга оширилади.

«Қидирув ишлари ҳозирда Жетайсай туманида давом этмоқда. Қутқарувчилар 27 июньдан Атақонис овулидан Атамекен овул округидаги Қоғали овулига моторли қайиқ ёрдамида боришган. Марказий каналда қидирув ишларини олиб бормоқда. Бу ерда қутқарувчилар 48 км масофани кўриб чиқишди. Бироқ, натижа йўқ. Қидирув-қутқарув ишлари давом этмоқда. Эслатиб ўтамиз, тошқин пайтида ўзбек аскари бедарак йўқолган. У қўшни мамлакатда топилмагач, Ўзбекистон Республикаси вакиллари уни Қозоғистоннинг Мақтаарал туманида қидиришда ёрдам сўрашган.


Муаллиф: Айнур Ақбаева

Сўнгги хабарлар