Мақтаарал туманида карантин кучайтирилди

NUR-SULTAN. Kazinform – Сўнгги бир неча кун ичида Мақтаарал туманида вирусли пневмония ва COVID-19 аломатлари билан касалланганлар сони кўпаймоқда. Бу борада туман ҳокими Б.Асановнинг топшириғига биноан тегишли чоралар кўрилди, деб хабар беради Kazinform туман ҳокимлиги матбуот хизматига таяниб.

Туман бош санитария шифокори фармони асосида 14-28 январь кунлари эпидемиологик вазият барқарорлашгунга қадар туманда қатъий карантин ва чеклов чоралари жорий этилди. Қарорда кўрсатилган талабларга қатъий риоя қилиш талаб этилади. Коронавирус инфекцияси ва пневмония вирусли ташхиси қўйилган фуқаролар, ўз уйларида изоляция қилинган оилалар 14 кунлик карантин режимини бузмаслиги керак. Бу ҳақда туманда ҳуқуқни муҳофаза қилиш органлари ходимлари ва ҳокимият вакилларидан иборат тезкор мобил гуруҳ вакиллари тушунтириш ишларни олиб боради. Карантин тартибини бузганлик маъмурий жавобгарликка тортилади ва тасдиқланган миқдордаги жаримага тортилади.