Маҳмуд Сабирхан ўзбекистонлик боксчини икки марта нокдаун қилиб, жаҳон чемпиони бўлди

TASHKENT. Kazinform – Маҳмуд Сабирхан Тошкентда бўлиб ўтган эркаклар ўртасидаги бокс бўйича жаҳон чемпионати ғолиби бўлди, деб хабар беради Kazinform мухбири.

Икки йил аввал Белградда ўтказилган жаҳон чемпионатида кумуш медални қўлга киритган туркистонлик Маҳмуд Сабирхан 54 килограмм вазн тоифасида Жиззах вилояти вакили ўзбекистонлик Ойбек Жўраев билан куч синашди.

Махмуд биринчи раундда зарбаларини аниқ ишлатиб, барча ҳакамларни ўзига қаратди - 5:0. Иккинчи раундда беш ҳакамдан тўрт нафари қозоғистонлик боксчига устунлик берди. Учинчи раундда М.Сабирхан рақибини икки марта нокдаунга учратди. Шундай қилиб, у яққол устунлик билан ғалаба қозонди.

Шу тариқа, Маҳмуд Сабирхан Санжар Ташкенбайдан кейин иккинчи олтинни қўлга киритган қозоғистонлик боксчига айланди.

Эслатиб ўтамиз, аввалроқ Санжар Ташкенбай Тошкентда бокс бўйича жаҳон чемпиони бўлгани ҳақида хабар берган эдик.

Дулат Бекбауов ҳам бокс бўйича жаҳон чемпионатининг кумуш медали соҳибига айланди.

Жанибек Алимханули профессионал боксда Стивен Батлерни нокаут билан мағлуб этди.

Муаллиф: Ғайсағали Сейтақ