Лучано Спалетти Италия чемпионлигини қўлга киритган энг кекса мураббийга айланди
Сhampionat.com сайтидан олинган маълумотларга кўра, Л. Спалетти бош мураббийлигидаги «Наполи» клуби сафарда «Удинезе» билан 1:1 ҳисобида дуранг ўйнади ва беш тур қолганига қарамай, Италия чемпионати чемпионига айланди.
Италиялик мутахассис бу номга 64 ёшу 58 кунлигида эришди.
Ундан олдин Л. Спалетти 2010 ва 2011-2012 йилги мавсумларда «Зенит» билан Россия чемпионлигини қўлга киритган.
Бир пайтлар машҳур аргентиналик Диего Марадона таркибига кирган «Наполи» кейинги 33 йил ичида илк бор Италия чемпионига айланди.
«Наполи» клуби сўнгги беш турда «Фиорентина», «Монц», «Интер», «Болонья» ва «Сампдория» жамоалари билан куч синашади. Айни пайтда неополитанликлар ҳисобида 80 очко бор. Иккинчи ўриндаги «Лацио» (64) 16 очко ортда қолмоқда.
Муаллиф: Ғайсағали Сейтақ