Лос-Анжелесда 10 кишини ўлдирган гумонланувчи ўзини отиб ўлдирди

ASTANA. Kazinform – Лос-Анжелесда 10 кишини отиб ўлдирган гумонланувчи қўшни Альгамбра шаҳрида полиция тўхтатган юк машинасида ўзини отиб ўлдирди, дея хабар беради Kazinform BBC Newsга таяниб.

Калифорниянинг Монтерей-Парк шаҳридаги корхонада содир бўлган отишмада ўн киши ҳалок бўлди. Ушбу жиноятни содир этганликда гумон қилинган шахс воқеа жойидан қочиб кетган ва кўп ўтмай ўзини отиб ўлдирган.

Лос-Анжелес округи шерифи Роберт Луна журналистларга полиция юк машинаси қуршаб олинганда ўқ овозини эшитганини айтди. Бир ярим соатдан кейин улар машинага кириб, гумонланувчининг жасадини топдилар.

Полиция ўзини отиб ўлдирган гумонланувчи 72 ёшли осиёлик маҳаллий фуқаро Ху Цанг Тран эканлигини аниқлади. Лос-Анжелес Хитой Савдо палатаси раҳбари Честер Чон маҳаллий телевидение орқали оммавий отишмага гумонланувчи ва унинг рафиқаси ўртасидаги келишмовчилик сабаб бўлганини айтди.

Ҳалок бўлган ўн кишидан ташқари яна ўн киши яраланган. Улардан етти нафари якшанба куни кечқурун касалхонага ётқизилган.

Фото: EPA