«Қурултой» мобил иловаси кузда ишга тушади

None
None
NUR-SULTAN. Кazinform - Миллий қурултойнинг янги даврда тутган ўрни ва мақсади нимадан иборат? У Миллий Жамоат Ишонч Кенгашидан нимаси билан фарқ қилади? Бу ҳақда «Мирас» Республика жамоат кенгашининг навбатдаги йиғилишида сўз юритилди, деб хабар беради Kazinform.

Ўз навбатида, «Егемен Қазақстан» АЖ бошқаруви раиси, «АМАNAT» партияси Сиёсий бюроси аъзоси Дархан Қидирали мазкур жамғармани очиқ жамиятнинг яна бир кўриниши сифатида таърифлаб, унинг бошқа консалтинг платформаларидан фарқ қилишини таъкидлади.

«Янги Қозоғистоннинг вазифаси очиқ фуқаролик жамиятини барпо этиш, адолатли давлат барпо этиш, демократик жараёнларни олиб боришдир. Қурултой эса очиқ фуқаролик жамиятини ривожлантиришга катта ҳисса қўшмоқда. Бу ерда айтилган барча фикр-мулоҳазалар юрт эҳтиёжини, халқнинг хоҳиш-истакларини етказиши керак. Пойдевор - бу халқ тузилмаси. Демак, буни очиқ жамиятнинг яна бир кўриниши деб ҳисоблаш мумкин. Бизда Парламент, Мажилис, Сенат, Ассамблея ва бошқа минбарлар бор. Аммо Қурултой халқ сўзи учун баланд минбар бўлади, деган умиддамиз», — деди Дархан Қидирали.

Маълумки, биринчи қурултойга 117 киши сайланган. Бироқ, бу рўйхат ўзгариши мумкин. Фаол, халқ учун, мамлакатдаги умумий муаммоларни ҳал этишга ҳисса қўшишни истаган ҳар қандай Қозоғистон фуқароси келажакда ушбу кенгашда иштирок этиш имкониятига эга. Бу ҳақда «Бош муҳаррирлар клуби» Республика жамоат бирлашмаси президенти, Миллий қурултой раиси ўринбосари Бибигул Жексенбай маълум қилди.

Унга кўра, «Қурултой» номли махсус мобил илова ишлаб чиқилмоқда. У кузда ишга туширилади. Мобил илова орқали ҳар қандай фуқаро ўз таклифини қурултойга юбориши мумкин.

«Қурултойнинг Миллий кенгашдан афзаллиги шундаки, унда ҳудудий кенгашлар вакиллари иштирок этади. Маҳаллий масалалар ҳам четда қолмаслиги учун махсус телелойиҳа йўлга қўйилади. Бу «Хабар» ва «Qazaqstan» телеканаллари томонидан ташкил этилган катта дастур. Бошқача айтганда, Миллий қурултой нафақат йиллик йиғилишда масалаларни муҳокама қилади, балки узлуксиз ишлаш учун катта майдон бўлади», — деди Б.Жексенбай.

Ўз навбатида, «Хабар» агентлиги бошқаруви раиси Берик Уали телеканалда Давлат раҳбари таъкидлаган меҳнаткаш инсонларга ҳурмат-эҳтиром кўрсатиш мақсадида «Миллий қурултой» махсус телемарафони ва махсус лойиҳалар тайёрланаётганини таъкидлади.

Сўнгги хабарлар