Қуддусдаги синагога яқинида содир этилган террор ҳужумида 7 киши ҳалок бўлди

ТЕL-АVIV. ТАSS – Кazinform – Жума куни Шарқий Қуддуснинг Неве Яаков туманидаги синагога яқинида содир этилган теракт оқибатида 7 киши ҳалок бўлди. Бу ҳақда Исроил полицияси матбуот хизмати маълум қилди, дея хабар беради Kazinform ТАSSга таяниб.

«Қуддусдаги террорчилик ҳаракати: бугун кечқурун маҳаллий вақт билан 20-30 соат атрофида террорчи Қуддусдаги Неве Яаков бульваридаги синагогага келиб, яқин атрофдаги одамларга қарата ўт очди. Полиция зудлик билан воқеа жойига етиб келиб, террорчини топиб, унга қарата ўқ узган. Террорчи қўлга олинди», — дейилади полициянинг Тwitterдаги саҳифасида.

«Етти нафар бегуноҳ одам ҳалок бўлди, кўплаб инсонлар яраланди», — дейилади хабарда.

Бунгача The Jerusalem Post ва бошқа Исроил нашрлари 8 киши ҳалок бўлгани ҳақида хабар берган эди.

Полиция воқеани теракт сифатида баҳолади.

Фото - ВВC