Кубада парламент сайлови бўлиб ўтди

ASTANA. Kazinform – Кубада кеча бўлиб ўтган парламент сайловлари натижалари яқин кунларда эълон қилинади, деб хабар беради Kazinform Euronews агентлигига таяниб.

Аҳолининг сайловдаги иштирокига алоҳида эътибор қаратилди.

Расмий маълумотларга кўра, ўша куни 8 миллионга яқин киши, яъни сайлов ҳуқуқига эга бўлганларнинг 70 фоизи сайлов участкаларига келган.

Халқаро инсон ҳуқуқлари ташкилотлари бу сайловни сохта ҳаракат деб атади. Чунки Миллий Ассамблеядаги 470 ўрин учун мамлакат ҳукумати томонидан олдиндан танланган 470 нафар номзод қатнашган.

Сайланган қонунчилар президентликка номзод кўрсатиш ва уни парламентдаги овоз бериш йўли билан сайлаш учун масъулдир.

Куба Коммунистик партияси раҳбари Мигель Диас-Канель иккинчи муддатга сайланиши кутилмоқда.

Куба иқтисодий инқироз ва ижтимоий норозиликлар билан курашмоқда.

Ўтган йили АҚШга киришга уринган ноқонуний кубалик муҳожирлар сони тўрт баравар кўпайган.

Фото: AP Photo/Ramon Espinosa